Мөхтəрəм Җəлил хəзрəт Фазлыев инде ничə еллар дəвамында пəйгамбəрлəрнең эшен дəвам итə, халыкны армый-талмый хакыйкатькə, изгелеккə, яктылыкка, ике дөнья бəхет-сəгадəтенə чакыра.
Аның вəгазьлəре хикмəт белəн тулы, яшьлəр һəм олылар өчен дə бик аңлаешлы, кирəкле. Җəлил хəзрəт динебез нигезлəрен, аның кыйммəтлəрен, хəлəл белəн хəрамны аңлатканда Коръəн аятьлəреннəн һəм хəдислəрдəн тыш төрле риваятьлəр, тормыштан гади генə мисалларны күп китерə, шуңа күрə аның вəгазьлəрен, нəсихəтлəрен халык бик ярата, кешелəрнең күңеллəренə бик хуш килə.